“O‘zbekekspertiza” AJ xodimlari O‘zbekistonda Savdoga ko‘maklashish portalini joriy etish bo‘yicha Milliy seminarda ishtirok etishdi

“O‘zbekekspertiza” AJ xodimlari O‘zbekistonda Savdoga ko‘maklashish portalini joriy etish bo‘yicha Milliy seminarda ishtirok etishdi

2022 yil 27 iyul kuni Toshkent shahridagi “Courtyard by Marriott” mehmonxonasida O‘zbekiston Respublikasi Investitsiyalar va tashqi savdo vazirligi tomonidan Davlat bojxona qo‘mitasi va Xalqaro savdo markazi (XTM) hamkorligida tashkil etilgan navbatdagi seminar bo‘lib o‘tdi. Seminarda, Tashqi savdo jarayonlarida ishtirok etuvchi davlat idoralari va xususiy sektor vakillari, shuningdek, “O‘zbekekspertiza” AJ xodimlari: F.Raziqov – Imtiyozli tovarlar ekspertizasi bo‘limi boshlig‘i va Xalqaro aloqalar, ichki nazorat va uslubiy ish bo‘limi xodimi A.Xusainovalar ishtirok etishdi.

Ma’lumot uchun:

Markaziy Osiyoning beshta davlati, shu jumladan, Qozog‘iston, Qirg‘iziston, Tojikiston, Turkmaniston va O‘zbekiston orasida mintaqalararo va xalqaro savdoni rivojlantirishni qoʻllab-quvvatlash maqsadida Xalqaro savdo markazi milliy hamkorlar bilan yaqin hamkorlikda Yevropa Ittifoqi tomonidan moliyalashtiriladigan 4 yillik “Markaziy Osiyo savdoga tayyor” (R4TCA) mintaqaviy loyihasini amalga oshirmoqda.

Ushbu loyiha transchegaraviy talablarning shaffofligini oshirish, tartibga solish va protsessual to‘siqlarni bartaraf etish, savdo rasmiyatchiligi va standartlariga rioya qilish bo‘yicha tadbirkorlik salohiyatini mustahkamlash, transchegaraviy elektron tijoratni yaxshilash imkonini beradi.

Loyihaning yoʻnalishlaridan biri “Savdoga koʻmaklashish” elektron portalini yaratish boʻlib, unda import, eksport va tranzit uchun zarur boʻlgan barcha bosqichlar, qoidalar va shakllarning batafsil tavsifi mavjud.

Seminar davomida quyidagi maqsadlarga erishildi:

– Erishilgan natijalarni taqdim etish va Savdoga ko’maklashish portalini joriy etish bo’yicha dolzarb masalalarni muhokama qilish;

– Ishtirokchilarning kelgusidagi o’zaro hamkorlik bo’yicha fikr-mulohazalari olindi;

– 2022-yil 4-iyulda ishga tushirilgan Qozog‘iston Savdo portalining taqdimoti;

– Keyingi qadamlarni muhokama qilish va bildirilgan tavsiyalarni qabul qilish.