“Ўзбекэкспертиза” АЖ кузатув кенгашининг мустақил аъзолигига

танлов эълон қилади

Ўзбекистон Республикасининг “Акциядорлик жамиятлари ва акциядорлар ҳуқуқларини ҳимоя қилиш тўғрисида”ги Қонуни ва “Ўзбекэкспертиза” акциядорлик жамияти (кейинги ўринларда – “Жамият”) устави, Корпоратив бошқарув кодекси талабларига ҳамда кузатув кенгашининг қарорига мувофиқ Жамият кузатув кенгашининг мустақил аъзолигига номзодлар танловини эълон қилади.

Танловда иштирок этиш учун Ўзбекистон Республикаси фуқаролари, шунингдек, ушбу танловда иштирок этиш истагини билдирган хорижий давлатларнинг фуқаролари таклиф этилади.

Номзодларга қўйиладиган талаблар

1. Мустақил аъзо жамиятнинг ривожига кенг миқёсда ҳисса қўшиш учун қолган кузатув кенгаши аъзоларининг хусусиятларидан сезиларли даражада фарқ қиладиган тажриба, малака ва касбий кўникмаларга эга бўлиши керак.

2. Қуйидагилар кузатув кенгашининг мустақил аъзоси бўлиши мумкин эмас:

- олий маълумотга эга бўлмаган шахс;

- раҳбарлик (раҳбар, раҳбар ўринбосари, бош ҳисобчи, менежер, супервайзер, юридик хизмат бошлиғи, корпоратив бошқарув соҳасида фаолият юритадиган бошқарма бошлиғи, ваколатхона ёки филиал раҳбари) лавозимларида камида икки йиллик иш тажрибасига эга бўлмаган шахс;

- судланганлик ҳолати ўрнатилган тартибда тугатилмаган ёки олиб ташланмаган шахс;

- сўнгги уч йил ичида жамиятда ва (ёки) жамиятнинг аффилланган шахсларида ишлаган шахс;

- жамият овоз берувчи акцияларининг беш ёки ундан ортиқ фоизига эгалик қилувчи (тўғридан-тўғри ва (ёки) аффилланган шахслар орқали) акциядор;

- жамиятнинг ва (ёки) унинг аффилланган шахсининг йирик мижози ва (ёки) йирик етказиб берувчиси билан фуқаролик-ҳуқуқий муносабатларда бўлган шахс. Бунда қайси шахслар билан базавий ҳисоблаш миқдорининг икки минг бараваридан кўп бўлган суммага тенг амалдаги шартнома мавжуд бўлса, ўша шахслар йирик мижоз ва йирик етказиб берувчи деб эътироф этилади;

- сўнгги уч йил ичида жамиятга ва (ёки) жамиятнинг аффилланган шахсларига аудиторлик хизматларини кўрсатган аудиторлик ташкилотининг ходими;

- кетма-кет олти йил давомида жамиятнинг кузатув кенгаши таркибига кирган шахс;

- жамият ва (ёки) унинг аффилланган шахслари билан бирор-бир келишувга эга бўлган шахс, бундан кузатув кенгаши аъзосининг вазифалари ва функциялари бажарилишини таъминлаш билан боғлиқ бўлган келишувлар мустасно;

- жамиятнинг бошқарув ва ички назорат органларининг ва (ёки) унинг аффилланган шахсларининг аъзоси бўлган шахснинг ёки сўнгги уч йил ичида уларга аъзо бўлган шахснинг яқин қариндоши ёки қуда томондан қариндоши (ота-онаси, ака-укалари, опа-сингиллари, ўғиллари, қизлари, эри (хотини), шунингдек эрининг (хотинининг) ота-онаси, ака-укалари, опа-сингиллари ва фарзандлари) бўлган шахс;

- давлат бошқаруви органининг ёки давлат корхонасининг ходими бўлган шахс;

- жамиятнинг уставида ёки акциядорлар умумий йиғилишининг қарорлари билан тасдиқланган ҳужжатларда белгиланган талабларга мувофиқ бўлмаган шахс.

- жамият фаолияти йўналишидан келиб чиқиб, кузатув кенгаши ва/ёки қўмита томонидан номзодларга қўшимча талаблар белгиланиши мумкин.

3. Кузатув кенгаши таркибига сайланган мустақил аъзолар ўз зиммасига қуйидаги фидуциар мажбуриятларни олади:

- жонкуярликни намоён қилиш мажбурияти - виждонан ва жонкуярлик асосида ҳаракат қилиш;

- содиқликни намоён қилиш ва манфаатлар тўқнашувига йўл қўймаслик мажбурияти - биринчи навбатда жамият манфаатларидан келиб чиқиб ҳаракат қилиш;

- лозим даражада кўздан кечиришликни намоён қилиш мажбурияти жамиятга нисбатан қарор қабул қилишда эҳтиёткорлик билан ёндашиш;

- мустақил мулоҳазадан фойдаланиш мажбурияти - қарорларни мустақил, шахсий ва бошқа манфаатларни инобатга олмаган ҳолда қабул қилиш.

Танловда иштирок этиш учун талабгор шахсан ўзи ва/ёки электрон почта орқали қуйидаги ҳужжатларни тақдим этади:

- шахсни тасдиқловчи ҳужжат нусхаси;

- меҳнат фаолияти тўғрисида маълумотнома (резюме);

- диплом ва сертификатлар нусхалари;

- меҳнат дафтарчаси нусхаси (мавжуд бўлса) ёки иш тажрибасини тасдиқловчи ҳужжатлар, маълумоти тўғрисидаги ҳужжат нусхаси;

- тавсиявиянома (агар мавжуд бўлса);

- судланганлик муддати йўқлиги тўғрисидаги маълумотнома;

- Жамият “Кузатув кенгашининг мустақил аъзолиги учун танлов ўтказиш ва номзодларни танлаб олиш тўғрисида”ги низомнинг 1 - иловасида келтирилган шаклда жамият кузатув кенгаши мустақил аъзосининг мустақиллик мезонларига мувофиқлиги тўғрисидаги ариза.

Жамият кузатув кенгашининг мустақил аъзоси қонунчилик хужжатларида белгиланган вазифалар ва ваколатлар ва мажбуриятларга эга бўлади.

Чет (инглиз, рус ва бошқа) тилларини билиш тавсия этилади.

Танловда иштирок этиш учун ҳужжатларни тақдим этиш:

Даъвогар номзодларнинг ҳужжатлари (шахсни тасдиқловчи ҳужжат нусхаси, резюме ёки маълумотнома, диплом ва сертификатлар нусхалари, тавсияномалар (агар бўлса), меҳнат дафтарчаси нусхаси, судланганлик муддати йўқлиги тўғрисидаги маълумотнома) Ўзбекистон Республикаси, Паркент кўчаси, 51 манзили бўйича муҳрланган конвертларда қабул қилинади.

Ҳужжатларни қабул қилиш муддати: ушбу эълон Жамият веб - сайтида (www.expertiza.uz) Корпоратив маълумотларнинг ягона порталида (www.new.openinfo.uz) эълон қилинган кундан бошлаб 10 кун.

Танловда иштирок этиш бўйича иштирокчилар қуйидаги телефон орқали боғланишлари мумкин: (71) 230 23 64

“________________________”АЖ кузатув

кенгашининг мустақил аъзолиги учун танлов

ўтказиш ва номзодларни танлаб олиш

тўғрисидаги низомга

1-илова

“________________________” АЖ

Кузатув кенгашига

Кузатув кенгашининг мустақил аъзолиги учун белгиланган талбаларга мувофиқлик тўғрисида

АРИЗА

Мен, _________________ ушбу билан номзод сифатида қуйидагиларни тасдиқлайман:

Маълумотим олий;

раҳбарлик (раҳбар, раҳбар ўринбосари, бош ҳисобчи, менежер, супервайзер, юридик хизмат бошлиғи, корпоратив бошқарув соҳасида фаолият юритадиган бошқарма бошлиғи, ваколатхона ёки филиал раҳбари) лавозимларида камида икки йиллик иш тажрибасига эгаман;

иқтисодий жиноятлар ёки бошқарув тартибига қарши жиноятлар учун судланмаганлигимни ҳамда суд қарорларига асосан мансаб лавозимларни эгаллаши чекланган, шунингдек коррупцияга оид жиноятларни содир этишда айбдор деб топилмаганман;

сўнгги уч йил ичида корхонада ва (ёки) корхонанинг аффилланган шахсларида ишламаганман;

жамият овоз берувчи акцияларининг беш ёки ундан ортиқ фоизига эгалик қилувчи (тўғридан-тўғри ва (ёки) аффилланган шахслар орқали) акциядор эмасман;

жамиятнинг ва (ёки) унинг аффилланган шахсининг йирик мижози ва (ёки) йирик етказиб берувчиси билан фуқаролик-ҳуқуқий муносабатларда бўлмаганман ва/ёки ҳозирда бу каби муносабатларга эга эмасман;

сўнгги уч йил ичида корхонага ва (ёки) корхонанинг аффилланган шахсларига аудиторлик хизматларини кўрсатган аудиторлик ташкилотининг ходими эмасман;

кетма-кет олти йил давомида корхонанинг кузатув кенгаши таркибида фаолият юритмаганман;

корхона ва (ёки) унинг аффилланган шахслари билан бирор-бир келишувга эга эмасман (бундан кузатув кенгаши аъзосининг вазифалари ва функциялари бажарилишини таъминлаш билан боғлиқ бўлган келишувлар мустасно);

корхонанинг бошқарув ва ички назорат органларининг ва (ёки) унинг аффилланган шахсларининг аъзоси бўлган шахснинг ёки сўнгги уч йил ичида уларга аъзо бўлган шахснинг яқин қариндоши ёки қуда томондан қариндоши (ота-онаси, ака-укалари, опа-сингиллари, ўғиллари, қизлари, эри (хотини), шунингдек эрининг (хотинининг) ота-онаси, ака-укалари, опа-сингиллари ва фарзандлари) бўлган шахс эмасман;

давлат бошқаруви органининг ёки давлат корхонасининг ходими эмасман;

ушбу аризада келтирилган барча маълумотларнинг, шунингдек унга илова қилинган ҳужжатлар ва материалларда мавжуд бўлган маълумотларнинг ҳақиқийлиги, ишончлилиги ва тўғрилигини тасдиқлайман.

Мен томонимдан ҳақиқий бўлмаган, ишончсиз ва нотўғри (ёлғон) маълумотлар берилганлиги аниқланган тақдирда, танловдан ёки кузатув кенгаши таркибидан (агар таркибга сайлангандан сўнг аниқланса) четлатилишим тўғрисида хабардорман.

(сана)     (имзо)