“O‘zbekspertiza” aksiyadorlik jamiyati

(“O‘zbekspertiza” AJ) O‘zbekiston Respublikasi Vazirlar Mahkamasining 2003-yil 17-apreldagi “2003-2004-yillarda korxonalarni xususiylashtirish va davlat tuzilmasidan chiqish dasturi to‘g‘risida”gi 185-son qaroriga muvofiq O‘zbekiston Respublikasi Davlat mulk qo‘mitasining 2004 yil 30 yanvardagi 13-kPO-son buyrug‘i bilan “O‘zbekspertiza” respublika xo‘jalik birlashmasi negizida tashkil etilgan va 2014-yil 6-maydagi “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi yangi tahrirdagi O‘zbekiston Respublikasi Qonuni bilan № O’zRQ-370 qayta nomlangan.

To'liq rasmiy nomi:

“O‘zbekspertiza” aksiyadorlik jamiyati

Rasmiy qisqartirilgan nomi:

“O‘zbekekspertiza” AJ

• Yuridik manzili: Oʻzbekiston Respublikasi, Toshkent sh. Parkent ko’chasi, 51, pochta indeksi 100007. Telefon: (71) 230-23-60, faks: (71) 268-06-94 Bank rekvizitlari: STIR 201037628, OKED 71200
• So’mdadi hisobvarag‘i: “Ipoteka-bank” ATB “Mexnat” filiali, Toshkent sh., MFO 00423, hisob raqami 20210000200126024001
• Valyuta hisobvarag’i: O‘z.SQB Toshkent shahar hududiy filiali, MFO 00424, hisob raqami 20210840100126024002

“O‘zbekekspertiza” aksiyadorlik jamiyati yuridik shaxs bo‘lib, mustaqil balansga ega, o‘z faoliyatini o‘z-o‘zini moliyalashtirish va o‘zini-o‘zi ta’minlash, shu jumladan valyuta tamoyillari asosida amalga oshiradi. O‘zbekiston Respublikasi qonun hujjatlariga va Ustavga muvofiq o‘z faoliyati uchun zarur bo‘lgan tashqi savdo operatsiyalarini mustaqil ravishda amalga oshirish huquqiga ega.

“O‘zbekekspertiza” AJ ustav kapitali 2 589 587 880 so‘m bo‘lib, nominal qiymati 1622 so'm bo'lgan 1 596 540 dona aksiyalarga to‘g‘ri keladi..

“O‘zbekekspertiza” AJ tuzilmasi Toshkent shahridagi “Aeroport”, “Sergeli”, “Nazarbek”, “Aksiz posti”, “Arqbuloq” va Toshkent viloyatidagi “Olmaliq”, “Chirchiq”, “Bekobod”, “Angren” filiallariga ega bosh korxonadan shuningdek, O‘zbekiston Respublikasining barcha hududlaridagi 12 ta sho‘ba xo’jalik korxonlaridan iborat. Toshkent shahridagi “O‘zbekspertiza” AJ bosh korxonasining filiallari bilan birga shtat soni 94 nafar bo‘lib, shundan 20 nafari boshqaruv xodimlari, 63 nafari ishlab chiqarish xodimlari, 11 nafari texnik va texnik xizmat ko‘rsatuvchi xodimlardir.

"O'ZBEKEKSPERTIZA" AJ
NUFUZI

“O‘zbekspertiza” AJ xizmatlaridan respublika hududida tashkil etilgan mulkchilik shaklidan qat’i nazar, barcha korxonalar, shu jumladan investorlar, eksportga yo‘naltirilgan korxonalar, tashqi savdo operatsiyalarini amalga oshiruvchi kichik va o‘rta biznes ishtirokchilari, shuningdek jismoniy shaxslar foydalanadi.

Jamiyat xizmatlarining asosiy iste’molchilari – “NTMK”, “Olmaliq KMK” AJ, “O‘zmetkombinat” AJ, “Foton” AJ, “General Motors Uzbekistan” AJ QK, “O‘zkabel” AJ, “Bekobodsement” AJ, “O‘zbekhimmash” AJ, MChJ BF Textile, “O‘zkeysservis” QK, “Chirchiq Transformator zavodi” QK, “Ammofos-Maksam” AJ, “Prestige Textile” QK, “Maksam Chirchiq” QK, “Alutex” MChJ QK, “O‘zelektroapparat Electroshield” AJ QK, II “Toshkent rangli metall chiqindilari parchalarini tayyorlash va qayta ishlash zavodi, , “ASL OYNA” AJ, “Artel” kompaniyalar guruhi, MChJ QK “Yuqori Chirchiq Metal Invest”, “Ohangaronsement” AJ, “Chirchiq Chemical Trade” MChJ, “Uztex Tashkent” MChJ, QK MChJ “ Uz Korgaz”, “Nestle” MChJ va boshqalar.

O‘zbekiston Respublikasi patent idorasi tomonidan ro‘yxatga olingan “O‘zbekspertiza” AJning tovar belgisi MDH, Yevropa Ittifoqi, Osiyo, Afrika, Avstraliya va Okeaniya, Shimoliy va Janubiy Amerika mamlakatlarida ma’lum.

“O‘zbekspertiza” AJ vakolatli xodimlari tomonidan imzolangan sertifikatlar dunyoning 100 dan ortiq mamlakatlarida tan olinadi.

Jamiyat ishlab chiqarilgan xizmatlarni iste'molchilarga sotish orqali erishiladigan barqaror foyda olish va uni maksimal darajada oshirishdan manfaatdor. Shu maqsadda Jamiyat raqobat muhitida iste’molchilarning “O‘zbekekspertiza” AJ xizmatlariga ustunlik berishini ta’minlashga intiladi. Jamiyat uning ijobiy nufuzi barqaror tijorat muvaffaqiyatiga hissa qo'shishini tushunadi.

Ijobiy nufuzni saqlab qolish uchun Jamiyat tomonidan uning tarkibiy qismlarini doimiy ravishda baholash va rivojlantirish choralari ko'riladi.

Jamiyat nufuzi quyidagi tarkibiy qismlarni o'z ichiga oladi:

- xizmatlar iste'molchilari orasida Jamiyatning obro’si. Aynan shu component nufuzning ijobiyligini belgilaydi. Shu sababli, xizmat ko'rsatishning barcha mijozlariga xizmatlarni ko’rsatish jarayonida jiddiy e'tibor beriladi, shunda mijoz xizmat sifati, ushbu xizmatni taqdim etish narxidan mamnun bo'ladi;

- tovar ekspertizasi xizmatlarini ko'rsatishda yuqori natijalarga erishish.

“O‘zbekspertiza” aksiyadorlik jamiyatining barcha bo‘linmalari, filiallari va sho‘ba xo’jalik korxonalari tomonidan quyidagilar e’tiborga olinadi va bajariladi:

tovarlarning kelib chiqish sertifikatlarini shakllantirish va rasmiylashtirishda eksport qiluvchilarga imkon qadar tez va samarali zarur yordam ko‘rsatish;

ularning savollariga o'z vaqtida javob berish, muloqotda xushmuomalalik, e'tibor va sabr-toqat ko'rsatish;

mijozlar bilan ishlashda tezkorlik bilan nostandart va mas’uliyatli qarorlar qabul qilish, tegishli sohalarda malakali yordam ko‘rsatish, shuningdek, zarur hollarda bosh bo‘limlar mutaxassislari ishtirokida malakali maslahatlar berish.

Biznes nufuz, bu biznes hamkorlarining Jamiyatni tadbirkorlik sub'ekti sifatidagi g'oyalari asosida shakllantiradi. Ishbilarmon sheriklar bilan munosabatlarda ishbilarmonlik obro'si, halollik, ishonchlilik, axborot ochiqligini ta’minlashga yordam beradigan munosabatlar shakllantirish va tadbirkorlik faoliyatini amalga oshirishda biznesning axloqiy me'yorlariga rioya qilish.

Ijtimoiy nufuzJamiyat faoliyatda homiylik, xayriya, ijtimoiy harakatlarni qo‘llab-quvvatlash, bandlik muammolarini hal qilishda ishtirok etishi, shuningdek, yordamga muhtoj aniq shaxslarga yordam ko‘rsatish kabi ijtimoiy jihatlari haqida habardor qilish. Shu munosabat bilan Jamiyat tomonidan nogironligi bo‘lgan shaxslar, mehribonlik uylari, jamoat xayriya tashkilotlariga turli yordam ko‘rsatish bo‘yicha tadbirlar amalga oshiriladi.

Ichki nufuz, xodimlarning o'z korxonasi haqidagi fikri bilan belgilanadi. Xodimlar ongida hamjihatlik, kasbga va jamoaga muhabbat tuyg'ularini tarbiyalash. Ichki nufuzning asosiy mezonlari Jamiyat madaniyati (kadrlarni tanlash va o'qitish tizimi, xodimlarning ish faoliyatini baholashning qabul qilingan tizimi, moddiy rag'batlantirish tizimi) hisoblanadi.

Xizmat ko'rsatish - ishlab chiqarish maqsadlariga erishish vositalari

Jamiyat oldiga qo'yilgan maqsadlarga quyidagi vositalar orqali erishish rejalashtirilgan:

• O'zbekiston Respublikasining tovar aylanmasining umumiy o'sishi munosabati bilan xizmatlar hajmini oshirish;
• “O‘zbekspertiza” AJ bo‘linmalari tomonidan ko‘rsatiladigan xizmatlarning yangi turlarini yanada rivojlantirish bilan bog‘liq ishlar hajmini oshirish;
• TUV xalqaro sertifikatlashtirish organi tomonidan ISO 9001 talablariga muvofiqligi sertifikatlangan sifat menejmenti tizimini saqlash va takomillashtirish bo'yicha ishlarni olib borish orqali Jamiyat nufuzini oshirish;
• ishni tashkil etishni takomillashtirish orqali xizmat ko'rsatish shakllarini takomillashtirish;
• xizmatlarni o'z vaqtida va sifatli ko'rsatish uchun moddiy rag'batlantirish usullarini qo'llash.