“Ўзбекэкспертиза” АЖнинг акциядорларнинг навбатдан ташқари
умумий йиғилиши ўтказилиши бўйича
Хабарнома

“Ўзбекэкспертиза” АЖ кузатув кенгашининг 2025 йил 29 майдаги мажлис қарорига асосан 2025 йил 27 июнь куни соат 11:00 да жамият акциядорларининг навбатдаги умумий йиғилиши ўтказилади.

Кун тартибига қуйидаги масалалар киритилган:

1. “Жамият акциядорларининг йиллик умумий йиғилиши қоидаларини тасдиқлаш;
2. Жамият ижроия органининг Жамиятнинг 2024 йил якунлари бўйича молиявий - хўжалик фаолияти ва бизнес - режа кўрсаткичлари бажарилиши бўйича ҳисоботини кўриб чиқиш.
3. Жамиятнинг 2024 йил якуни бўйича молиявий – хўжалик фаолияти бўйича аудиторлик хулосасини тасдиқлаш;
4. “Жамиятнинг 2024 йил якуни бўйича йиллик ҳисоботини тасдиқлаш;
5. Жамиятнинг 2024 йил якуни бўйича корпоратив бошкарув тизимини мустақил баҳоланиши натижаларини маъқуллаш;
6. Жамият Кузатув кенгашининг 2024 йил мобайнидаги фаолияти якуни бўйича ҳисоботини эшитиш;
7. Жамиятнинг 2024 йил якуни бўйича соф фойда тақсимланиши тартибини тасдиқлаш;
8. Жамиятнинг 2025 - 2027 йилларга мўлжалланган ривожланиш стратегиясини тасдиқлаш.
9. Жамиятнинг 2024 йил учун бизнес - режасини тасдиқлаш.
10. Жамиятнинг аффилланган шахслар билан келгусида жамият томонидан кундалик хўжалик фаолияти жараёнида акциядорларнинг кейинги йиллик умумий йиғилишигача бўлган даврда тузилиши мумкин бўлган битимни (битимларни) маъқуллаш;

11. Мажбурий аудиторлик текширувини ўтказиш учун аудиторлик ташкилотини аниқлаш, унинг хизматлари учун тўловнинг энг кўп миқдори ва у билан 2025 йилга мўлжалланган шартнома тузиш;

12. Жамиятнинг янги таҳрирдаги ташкилий тузилмасини тасдиқлаш.

13. Жамият янги таҳрирдаги уставини тасдиқлаш.

Жамият акциядорларининг реестри шакллантириладиган сана – навбатдаги умумий йиғилишини ўтказиш тўғрисида хабардор қилиш учун акциядорлар реестри 2025 йил 3 июнь ҳолатига ва акциядорлар умумий йиғилишида қатнашиш ҳуқуқига эга жамият акциядорларининг реестри 2025 йил 23 июнь ҳолатига шакллантирилади.

Акциядорлар ўзлари билан шахсни тасдиқловчи ҳужжат–паспорт, акциядорларнинг вакиллари Ўзбекистон Республикаси қонунчилигада белгиланган тартибда расмийлаштирилган (юридик шахслар учун - мазкур юридик шахс томонидан берилган) ишончнома билан келишлари шарт.

Йиғилиш Ташкент шаҳри, Мирзо Улуғбек тумани, Паркент кўчаси, 51-уйда жойлашган Жамиятнинг маъмурий биносининг мажлислар залида ўтказилади. Йиғилиш қатнашчиларини рўйхатга олиш соат 10.00 да бошланади.

Қўшимча маълумот олиш учун қуйидаги манзилга мурожаат этилиши сўралади:
Ташкент шаҳри, Мирзо Улуғбек тумани, Паркент кўчаси, 51-уй.
Email: info1@expertiza.uz
тел: +998 71 230-23-64.