Savdo-sanoat palatasining Samarqand viloyati boshqarmasida, Davlatimiz rahbarining 2024-yil 14-martdagi “Tashqi savdo va hududiy sanoatni rivojlantirishda tadbirkorlar birlashmalarining rolini yanada oshirish chora-tadbirlari to‘g‘risida”gi PQ-126-son qarori yuzasidan “O‘zbekekspertiza” AJ hamkorligida viloyatda yangi loyihalarni amalga oshirish istagida bo‘lgan kichik biznes subyektlari bilan uchrashuv o‘tkazildi.

Uchrashuvdan ko‘zlangan asosiy maqsad, Tadbirkorlarni qo‘llab-quvvatlash loyiha ofislarini vazifalari va bu borada tadbirkorlik subyektlari uchun biznes-reja ishlab chiqish va ularga tayyor biznes loyihalarini taklif etish, biznesni yuritishda yordam berish, hududlarda elektron platformalarni yo‘lga qo‘yish orqali tadbirkorlik subyektlarining malakasini oshirish, moliyaviy-iqtisodiy va huquqiy maslahatlar berish, tadbirkorlik subyektlarining investitsiya va ishlab chiqarish jarayonlarini tashkil etish bo‘yicha yordam berish kabi masalalar yuzasidan tushunchalar berildi.

Seminar yakunida, tadbirkorlar o‘zlarini qiziqtirgan masalalar yuzasidan o‘zaro fikr almashdilar.

"O'zbekekspertiza" AJ matbuot xizmati