Жорий йил 30 май куни “Ўзбекэкспертиза” АЖ Кузатув кенгашининг мажлиси бўлиб ўтди.

Унда ташкилий масалалар кўриб чиқилиб, 2 июндан бошлаб “Ўзбекэкспертиза” АЖ бош директори вазифасини вақтинча бажарувчи лавозимига Мурадов Улугбек Хашимджанович тайинланди.

Тайинловга қадар У. Мурадов “Савдони ривожлантириш компанияси” АЖ бошқарув раиси в.в.б. лавозимда ишлаб келган.

Йиғилиш сўнгида, “Ўзбекэкспертиза” АЖ томонидан келгусида амалга оширилиши лозим бўлган асосий функционал вазифалар ва йўналишлар белгилаб олинди.