2024-yil 30-iyul kuni Biznesni rivojlantirish banki binosida ishbilarmonlik muhiti va respublika ommaviy axborot vositalari vakillari ishtirokida seminar tashkil etildi.

Mazkur seminar doirasida Jahon bankining “O‘zbekiston milliy innovatsion tizimini modernizatsiya qilish” (MUNIS) loyihasi rahbari Dilshod Azgarov, Biznesni rivojlantirish banki boshqaruvi raisi o‘rinbosari Oybek Vohidov, xorijiy va mahalliy ekspertlar, ICP dasturini amalga oshirish boʻyicha Biznesni rivojlantirish banki kichik va oʻrta biznes departamenti boshligʻi Jasurbek Yusupov va “Oʻzbekekspertiza” AJ vakili, konsalting boʻlimi boshligʻi Jamshid Babajonov taqdimotlari tinglandi.

Tadbir davomida yig‘ilganlarga tadbirkorlik sub’ektlari vakillarining biznes loyihalarini qo‘llab-quvvatlash dasturida ishtirok etish shartlari tushuntirildi, shuningdek, Jahon banki tomonidan qo‘llab-quvvatlangan “O‘zbekekspertiza” AJ tomonidan eng yaxshi biznes loyihalarni qimmatbaho sovrinlar bilan taqdirlash tashabbusi haqida ham ma’lum qilindi.

Shu bilan birga, “O‘zbekekspertiza” AJ vakili barcha manfaatdor tomonlarning yordami va keng qamrovli hamkorligi tadbirkorlik sub'yektlarini har tomonlama qo‘llab-quvvatlashning butun jarayoniga ijobiy ta’sir ko‘rsatishiga ishonch bildirdi.

(fotomateriallar Jahon bankining “Oʻzbekiston milliy innovatsion tizimini modernizatsiya qilish” loyihasi (MUNIS) maʼmuriyati tomonidan taqdim etilgan)