Tovarlarning muvofiqligini sertifikatlash

Muvofiqlikni baholash - bu mahsulotlar, ishlab chiqarish jarayonlari, xizmatlar, xodimlarni boshqaruv tizimlarining normativ-huquqiy hujjatlar, shuningdek texnik jihatdan tartibga solish sohasidagi me'yoriy hujjatlar talablariga muvofiqligini baholash bo'yicha faoliyat hisoblanadi.

Muvofiqlik sertifikati - sertifikatlangan mahsulotlarning belgilangan talablarga muvofiqligini tasdiqlash uchun sertifikatlashtirish tizimi qoidalariga muvofiq beriladigan hujjatdir.

“O‘zbekekspertiza” AJ huzuridagi sertifikatlashtirish organi “Akkreditatsiya markazi” DUK tomonidan (09.07.2020 yildagi O'ZAK.MS.0024 akkreditatsiya guvohnomasi) akkreditatsiyadan o‘tgan bo’lib, oziq-ovqat va qishloq xo‘jaligi mahsulotlari, qadoqlash mahsulotlari, parfyumeriya-kosmetika mahsulotlari, maishiy kimyo, yengil sanoat mahsulotlari va akkreditatsiya doirasiga kiruvchi boshqa iste'mol tovarlariga muvofiqlik sertifikatlarini rasmiylashtiradi. (akkreditatsiya doirasiga havola).

Ushbu turdagi faoliyat quyidagi huquqiy hujjat bilan tartibga solinadi:

• O‘zbekiston Respublikasining “Texnik jihatdan tartibga solish to‘g‘risida”gi qonuni.
• O‘zbekiston Respublikasi Adliya vazirligi tomonidan 2005 yil 18 martdagi 1458-son bilan ro‘yxatga olingan mahsulotni sertifikatlash qoidalari.
• O‘zbekiston Respublikasi Vazirlar Mahkamasining 2021-yil 30-yanvardagi “O‘zbekiston Respublikasida muvofiqligi tasdiqlanishi lozim bo‘lgan muvofiqlikni baholash ob’ektlari ro‘yxatlarini tasdiqlash to‘g‘risida”gi 43-son qarori.
• Muvofiqlikni baholash. Mahsulotlar, jarayonlar va xizmatlarni sertifikatlash organlariga qo'yiladigan talablar. (ISO/IEC 17065:2012, IDT)