2025 йил 18 февраль куни “Ўзбекэкспертиза” АЖ томонидан видеоконференция шаклида Жиззах вилояти тадбиркорлари иштирокида семинар ташкил этилди.

Мазкур тадбирда Ўзбекистон Республикаси Президентининг 2024 йил 14 мартдаги ПҚ-126-сонли ҳамда Вазирлар Маҳкамасининг 2024 йил 28 октябрдаги 712-сонли қарорларининг асосий мазмун ва моҳияти тушунтирилиб, лойиҳа офислари ва экспорт марказлари фаолиятлари ҳамда маҳаллий ишлаб чиқариш ва ташқи савдони ривожлантириш масалалари муҳокама қилинди.

Тадбирда маҳаллий ишлаб чиқарувчилар ва экспортчилар ўртасидаги ҳамкорликни яхшилаш, янги қувватларни ишга тушириш ва мавжудларни кенгайтириш ҳамда фаолиятлар давомида юзага келаётган муаммоларни ҳал этиш имкониятлари, шунингдек, товарларнинг келиб чиқишини тасдиқлаш ва сертификатлаш масалаларига алоҳида эътибор қаратилди.

Семинарда “Mono Electric”, “Jizzax Akkumulyator Zavodi”, “Global Optical Communicatins Uzbekistan”, “Ravshanova Odina”, “Jizzax Print”, “Trade Corp Shox”, “Yuksaklikka Ishonch”, “Dafnamavi”, “Only Unex Pro”, “World”, “Gallaorol Kaliy Fоsfat”, “Jizzax Lak BoYoqlari”, “Jizzax Kans”, “Ural Oxygen”, “Ada Seven Textile”, “Baland Chaqir Textil”, “Deniz Apparel”, “Raw Materials Cellulose”, “Jizzax Kenteks”, “Jizzakh Textile”, “Ostex Jizzakh”, “Paxtakor teks”, “Paxtakor Gold Textile”, “Sangzor- Tekstil”, “Jizzax-Toshtepa Tekstil”, “Bonu shirinliklari”, “Iruskon”, “Master Bilding Products”, “Master Screw Systems”, “New Kapital”, “Taʼmirchi” ва “Basalt Wool” каби тадбиркорлик субъектлари, “SB Mustaqil Baxolash” консалтинг корхонаси вакиллари ҳамда Савдо саноат палатаси вилоят бошқармаси ва Товар-хом ашё биржаси масъул вакиллари иштирок этди.

Семинар якунида иштирокчилар ўзларини қизиқтирган саволларга мутахассислардан аниқ ва тушунарли жавоблар олишди, бу эса уларга халқаро иқтисодий алоқалар доирасида ўз фаолиятларини самарали давом эттиришга ёрдам беради.

Шу билан бирга, иштирокчиларга жорий йилнинг 11 март куни Наманган вилоятида “Қишлоқ хўжалигида қайта тикланувчи энергия манбалари (ҚТЭМ) тизимларини жорий этиш истиқболлари” мавзусида бўлиб ўтилиши кутилаётган семинар бўйича маълумот берилди ҳамда “ZOOM” платформаси орқали иштирок этиш таклиф этилди.