2025 йил 23 январь куни “Ўзбекэкспертиза” АЖ масъул ходимлари томонидан Андижон вилоятидаги тадбиркорлик субъектлари иштирокида видеоконференцалоқа шаклида семинар ташкил этилди.

Семинарда Ўзбекистон Республикаси Президентининг 2024 йил 14 мартдаги "Ташқи савдо ва ҳудудий саноатни ривожлантиришда тадбиркорлар бирлашмаларининг ролини янада ошириш чора-тадбирлари тўғрисида"ги ПҚ-126-сон ҳамда Вазирлар Маҳкамасининг 2024 йил 28 октябрдаги “Маҳаллий ишлаб чиқарилган товарларни аниқлаш тартиби тўғрисидаги низомни тасдиқлаш ҳақида”ги 712-сон қарорларининг мазмун-моҳиятлари тушунтирилиб, Лойиҳа офислари ва Экспорт марказлари фаолиятлари, маҳаллий ишлаб чиқариш жараёнлари бўйича маъруза ва тақдимотлар ўтказилди.

Семинарда, қўйидаги тадбиркорлик субъектлари асосан ўз жойларидан (ВКА шаклида) иштирок этишти. Жумладан, “Grand Tehnolog”, "Andijonkabel", "Fusunkor", "Neo Tech Polymer", “Real Mramor”, “Reco Brend Cement”, “Magma Marine”, “Shans”, “Nayman Mel”, “Everest Asbest”, “Nil Granit”, “Tillo Vul Invest”, “Fazo Group”, “Xo`jaobod Fayz-M”, “And-Sanoat Plast”, “Ravon Taraqqiyot Orzusi”, “Clasica Shoes International” МЧЖлар, шунингдек, “Al Xakim” Х/К, “Oq Suv” Ф/Х ҳамда “Navigul” ва "SPZ-Bearings" МЧЖ ҚКлар вакиллари иштирок этишти.

Шунингдек, тадбир сўнггида тадбиркорлик субъектлари ўзларини қизиқтирган саволларига масъул мутахассислар томонидан батафсил ва тушунарли жавоблар олишди.