Prezident tomonidan 29.08.2024 yildagi “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi O‘RQ-950-son Qonun imzolandi.

“Tadbirkorlik faoliyati erkinligining kafolatlari to‘g‘risidagi”gi Qonunga kiritilayotgan me'yorga asosan:

• tadbirkorlik sub'ektlari tovarlari, xizmatlari, mehnat resurslari va moliyaviy mablag‘larining respublika hududida erkin harakatlanishi, ushbu sub'ektlar davlat ro‘yxatidan o‘tgan hududdan qat'i nazar, kafolatlanadi;
• tadbirkorlik sub'ektlari tovarlari, xizmatlari, mehnat resurslari va moliyaviy mablag‘larining hududiy prinsip bo‘yicha erkin harakatlanishini cheklashga, to‘xtatib turishga va taqiqlashga yo‘l qo‘yilmaydi.

Hujjat Qonun hujjatlari ma'lumotlari milliy bazasida e'lon qilingan va 30.08.2024 yildan kuchga kirdi.