2024-yilning 1-avgustidan 22-avgustiga qadar “O‘zbekspertiza” AJ xodimlari XXR da tashkil etilgan xalqaro dastur bo‘yicha ixtisoslashtirilgan o‘quv kurslarida qatnashdi.

Dastur agrosanoat va oziq-ovqat sanoatida yangi texnologiyalardan foydalanishga bag‘ishlangan bo‘lib, Xitoy poytaxti Pekinda bo‘lib o‘tdi.

O'quv kursi doirasida mutaxassislarimiz oziq-ovqat sanoatidagi jarayonlarni optimallashtirish, qishloq xo‘jaligi mahsulotlarini qayta ishlash, shuningdek, sifat menejmenti va oziq-ovqat xavfsizligini ta’minlashda qo‘llanilishi mumkin bo‘lgan ilg‘or uslub va texnologiyalar bilan tanishish imkoniga ega bo‘ldi.

Kurs yakunida mutaxassislarimizga dasturni muvaffaqiyatli tamomlaganliklarini tasdiqlovchi sertifikatlar topshirildi.

O'zbekspertiza AJ Xitoy Xalq Respublikasining O'zbekiston Respublikasidagi elchixonasiga xodimlarimiz malakasini oshirish imkoniyati uchun samimiy minnatdorchilik bildiradi.

Olingan bilim va ko'nikmalar Jamiyatning yanada rivojlanishiga va xorijiy hamkorlar bilan aloqalarni mustahkamlashga xizmat qilishiga ishonamiz.

Olingan bilimlarni faol hayotga tatbiq etishda davom etamiz va ishimiz sifati va samaradorligini oshirish uchun yangi imkoniyatlarni ko'rib chiqamiz.

"O'zbekekspertiza" AJ matbuot xizmati