Vazirlar Mahkamasining 2024-yil 30-maydagi 311-sonli (https://static.norma.uz/doc/doc_12/311.pdf) “Tovarlarning kelib chiqishini sertifikatlashtirishni o’tkazish tartibini yanada takomillashtirilish munosabati bilan O‘zbekiston Respublikasi Hukumatining ayrim qarorlariga o‘zgartish va qo‘shimchalar kiritish to‘g‘risida”gi qarori qabul qilindi.

Hujjat Jahon Savdo Tashkilotining kelib chiqish qoidalari to’g’risidagi bitimning umumiy qoidalari milliy qonunchilikka kiritilishini belgilovchi o’zgartirish va qo’shimchalar kiritadi.

O‘zbekistonda ichki aylanma uchun ishlab chiqarilgan tovarlar uchun ST-UZ sertifikatini olishingiz mumkin. Tegishli qo‘shimcha ST-UZ sertifikati shaklini belgilovchi 7-ilova bilan birgalikda Tovarlarning kelib chiqishini sertifikatlashtirish tartibi to‘g‘risidagi nizomning 36-bandiga kiritilgan.

Shuningdek, qarorga ko‘ra, ayrim xorijiy davlatlar uchun QR kodni qo‘llash orqali tovarning kelib chiqish sertifikatini elektron shaklda rasmiylashtirish mumkin.

Hujjat 2024-yil 4-avgustdan kuchga kiradi.

“O‘zbekespertiza” AJ matbuot xizmati.