Ўзбекистон Республикаси Президентининг 2024 йил 14 мартдаги ПҚ–126-сон қарорининг 2-"б" банди ижросини таъминлаш доирасида, 2025 йил 3–11 апрель кунлари «Ўзбекэкспертиза» АЖ координациясида Фарғона, Андижон ва Қашқадарё вилоятларида Ҳамкорлик Меморандумлари имзоланди.

Жумладан, «Фарғонаэкспертиза» ва «Қўқон» эркин иқтисодий зонаси, «Андижонэкспертиза» ва «Ипак йўли» эркин иқтисодий зонаси, шунингдек, «Қашқадарёэкспертиза» ҳамда «Кичик ва ёшлар саноати» дирекцияси ўртасида ҳамкорлик тўғрисидаги келишувлар имзоланди

Мазкур ҳамкорликдан кўзланган асосий мақсад — бизнес-режаларни биргаликда ишлаб чиқиш, тайёр лойиҳаларни амалга жорий этиш ҳамда инвесторларни жалб этишга кўмаклашишдан иборат. Имзоланган Меморандумлар эса мамлакатимизнинг турли ҳудудларида тадбиркорлик фаолиятини ривожлантириш ва бизнес-ташаббусларни қўллаб-қувватлашга хизмат қилади