"Ўзбекэкспертиза” Акциядорлик жамияти 25–26-сентябр кунлари Қирғизистоннинг Иссиқкўл шаҳрида бўлиб ўтган Марказий Осиё мамлакатлари ўртасида электрон келиб чиқиш сертификатларини (e-CO) ўзаро тан олиш масаласига бағишланган минтақавий техник мулоқотда иштирок этди.

Тадбир Европа Иттифоқи томонидан молиялаштирилган ва Халқаро савдо маркази (ITC) томонидан амалга оширилаётган “Ready4Trade Марказий Осиё” лойиҳаси доирасида ўтказилди.

Ўз нутқида Ўзбекэкспертиза вакиллари электрон сертификатларнинг савдони енгиллаштириш, ҳужжат айланишида шаффофликни ошириш ва минтақавий ҳамкорликни мустаҳкамлашдаги муҳим ролини таъкидладилар.

Мулоқот якунида мамлакатлар минтақавий йўл харитасини ишлаб чиқиш ва босқичма-босқич амалий чоралар кўришга келишиб олдилар.