Ўзбекистон Республикаси Президентининг 2024 йил 14 мартдаги “Ташқи савдо ва ҳудудий саноатни ривожлантиришда тадбиркорлар бирлашмаларининг ролини янада ошириш чора-тадбирлари тўғрисида”ги ПҚ–126-сонли қарори ижросини таъминлаш доирасида бугун “Ўзбекэкспертиза” АЖ биносида: “Бизнес юритиш ва корпоратив бошқарув” мавзусида амалий вебинар бўлиб ўтди.

Тадбирда асосий эксперт маърузалар билан “Ўзбекэкспертиза” АЖ Бош директори , иқтисод фанлари бўйича фалсафа доктори (PhD) Махмудов Саидкарим Саидахматович , Кузатув кенгаши ҳузуридаги Корпоратив котибият раҳбари Юнусов Матжон Зопирқулович иштирок этишди. Ушбу тадбир Лойиҳа офислари фаолиятини ташкил этиш бўлими томонидан ташкил этилди ва вебинарлар циклларининг иккинчи босқичига старт берилди. Ушбу амалий вебинарлар белгиланган график асосида Ўзбекистоннинг барча ҳудудларида ташкил этилади.

Вебинар Фарғона вилоят “Фарғонаэкспертиза” МЧЖ ШХЖ билан ҳамкорликда қуйидаги йирик ишлаб чиқарувчи корхоналар иштирокида ўтказилди: “ECO LINE TEX FERGANA” МЧЖ ,“QUVASOYCEMENT” АЖ , “FERGANA GLOBAL TEXTILE” АЖ ,“SMSHD TEX” МЧЖ , “KVARTS” АЖ , “POSCO INTERNATIONAL TEXTILE” МЧЖ ХК

Вебинарнинг асосий мақсади — замонавий бизнес юритишда корпоратив бошқарув стандартлари, ички шаффофлик, стратегик режалаштириш ва барқарор ривожланиш масалаларини муҳокама қилишдан иборат бўлди.