Andijonda eksportchilarni qo‘llab-quvvatlash

Tadbirkorlik subyektlarining eksport faoliyatini qo‘llab-quvvatlash maqsadida Savdo-sanoat palatasi raisi o‘rinbosari D. Rasulov va “O‘zbekekspertiza” AJ bosh direktori o‘rinbosari S. Mahmudov boshchiligidagi ishchi guruh tomonidan 2025 yilning 24–25 mart kunlari Andijon viloyatiga tashrif amalga oshirildi.

Tashrif davomida viloyatning 150 dan ortiq korxonalari bilan Andijon shahar hokimiyatida uchrashuv tashkil etildi hamda 10 dan ortiq korxonalarning joyiga chiqqan holda o‘rganish ishlari olib borildi.

O‘tkazilgan o‘rganishlar natijasida korxonalarning kredit, QQS, infratuzilma, MIB bilan bog‘liq masalalari, yer ajratish va boshqa yo‘nalishlardagi 68 dan ortiq muammolari aniqlanib, ularni bartaraf etish uchun tegishli tashkilotlarga yetkazildi.

Shuningdek, uchrashuv davomida “O‘zbekekspertiza” AJ mas’ul ekspertlari tomonidan tadbirkorlik subyektlariga Vazirlar Mahkamasining 2024 yil 28 oktyabrdagi 712-son qarori mohiyati yetkazildi.