Ўзбекистон Республикаси Президентининг 2025 йил 27 майдаги ПҚ-193-сонли қарорига мувофиқ маҳаллий мебель ишлаб чиқарувчиларга давлат харидларидаги иштирокини кафолатлаш мақсадида “Ўзбекэкспертиза” АЖ томонидан бугунгача мамлакатимизда бу каби 350 дан зиёд ишлаб чиқарувчилар аниқланиб, жойларга чиққан ҳолда уларга жами 6000 дан зиёд товар турига маҳаллий ишлаб чиқарилган товар тўғрисидаги сертификатларни расмийлаштириш учун аризалар шакллантирилди.

Қарор талабларидан келиб чиқиб сертификатлар жорий йилнинг 15 августидан бепул расмийлаштирилади. Бу борадиган ишлар давом этмоқда.

Шубҳасиз, давлатимиз раҳбари томонидан кўрсатилаётган эътибор соҳа вакилларига кучли рағбат бўлади.