“ЎЗБЕКЭКСПЕРТИЗА” АЖ ИЧКИ АУДИТ ХИЗМАТИ АУДИТОРИ ЛАВОЗИМИГА ТАНЛОВ ЭЪЛОН ҚИЛАДИ

Ўзбекистон Республикаси фуқаролари мазкур танловда иштирок этиш учун ариза топширишлари мумкин. Танлов “Ўзбекэкспертиза” АЖ (кейинги ўринларда – Жамият)нинг Ички аудит хизмати тўғрисидаги Низоми ҳамда амалдаги қонун ҳужжатлари асосида ўтказилади.

Танловга аризаларни қабул қилиш муддатлари:

Эълон қилинган кундан бошлаб 10 календарь кун.

Бўш иш ўрни сони: 1 та (ички аудит хизмати аудитори)

Аризалар қуйидаги манзилга юборилади:
info1@expertiza.uz
71 230 23 64

Аудиторнинг асосий вазифалари:

• ички аудит текширувларини режалаштириш ва ўтказиш;
• Жамиятнинг молиявий-хўжалик фаолиятини таҳлил қилиш;
• ички назорат тизимининг самарадорлигини баҳолаш;
• молиявий ва операцион хатарларни аниқлаш ва баҳолаш;
• аниқланган камчиликлар бўйича таклиф ва тавсиялар ишлаб чиқиш;
• аудит натижалари бўйича ҳисоботлар тайёрлаш ва кузатув кенгашига тақдим этиш;
• амалдаги қонунчилик ва ички ҳужжатларга риоя этилишини назорат қилиш.

Номзодларга қўйиладиган талаблар:

• Ўзбекистон Республикаси олий таълим муассасаларида ёхуд қонун ҳужжатларига мувофиқ тан олинган хорижий таълим муассасасида олинган олий иқтисодий маълумот;
• сўнгги ўн йил мобайнида камида 2 йил бухгалтерия ҳисоби, аудит, молия ёки солиқ назорати соҳасида амалий иш тажрибаси (шу жумладан ўриндошлик асосида);
• ташқи иқтисодий фаолият соҳаси бўйича етарли билимлар;
• аудиторлик соҳасида махсус кўникмаларга эга бўлиш ва уларни амалда қўллай олиш;
• бухгалтерия ҳисобининг халқаро стандартларини (IFRS) билиш (қўллаб-қувватланади);
• Ўзбекистон Республикасининг бухгалтерия ҳисоби, аудит ва корпоратив бошқарув соҳасидаги қонунчилигини билиш;
• ахборот технологияларидан (MS Excel, бухгалтерия дастурлари) фойдаланиш кўникмалари.

Сертификатга қўйиладиган талаблар:

• амалдаги аудитор сертификати мавжуд бўлиши шарт (Ўзбекистон Республикаси Молия вазирлиги томонидан берилган ёки қонунчиликда белгиланган тартибда тан олинган);
• халқаро профессионал сертификатлар (ACCA, CPA, CIA ва бошқалар) мавжудлиги устунлик беради;
• ички аудитор сертификати (CIA ёки бошқа) мавжуд бўлиши қўшимча афзаллик ҳисобланади.

Танловда иштирок этиш учун тақдим этиладиган ҳужжатлар:

Номзодлар эълон берилган санадан бошлаб 10 календар кун ичида қуйидаги ҳужжатларни PDF форматда тақдим этишлари лозим:

• ариза;
• резюме (CV);
• паспорт нусхаси;
• диплом нусхаси;
• аудитор ва бошқа сертификатлар нусхалари;
• иш тажрибасини тасдиқловчи ҳужжатлар;
• зарур ҳолларда бошқа қўшимча ҳужжатлар.

Танлов босқичлари:

• тақдим этилган ҳужжатларни дастлабки саралаш;
• суҳбат (интервью);
• заруратга кўра қўшимча баҳолаш (тест ёки кейс).

Қўшимча маълумотлар:

• иш жойи: Тошкент шаҳри, Мирзо Улуғбек тумани, Паркент кўчаси, 51-уй;
• иш режими: тўлиқ иш куни;
• меҳнат шартномаси асосида ишга қабул қилинади;
• иш ҳақи: келишув асосида.

Тақдим этилган ҳужжатлар белгиланган тартибда Жамият кузатув кенгаши томонидан кўриб чиқилади. Нотўлиқ ҳужжатлар тақдим этган ёки белгиланган талабларга жавоб бермайдиган номзодлар танловда иштирок этишга қўйилмайди.

Қўшимча маълумотлар учун:
info1@expertiza.uz
+998 71 230 23 64