2025 йил 5 февраль куни видеоконференция шаклида “Ўзбекэкспертиза” АЖ томонидан Қорақалпоғистон Республикаси тадбиркорлари иштирокида семинар ташкил этилди.

Мазкур тадбирда 2024 йил 14 мартдаги Ўзбекистон Республикаси Президентининг ПҚ-126-сонли қарори ҳамда 2024 йил 28 октябрдаги Вазирлар Маҳкамасининг 712-сонли қарорининг асосий мазмун ва моҳияти тушунтирилди, шунингдек, лойиҳа офислари ва экспорт марказларининг фаолияти, маҳаллий ишлаб чиқариш ва ташқи савдони ривожлантириш масалалари муҳокама қилинди.

Тадбирда маҳаллий ишлаб чиқарувчилар ва экспортчилар ўртасидаги ҳамкорликни яхшилаш имкониятлари, шунингдек, товарларнинг келиб чиқишини тасдиқлаш ва сертификатлаш масалаларига алоҳида эътибор қаратилди.

Семинарда "Nukus Elektroapparat", "Uz-Kоr Gas Chemical", "Qonǵirot Soda Zavodi", "Birch-Product", "Qaraqalpaq Metal Pro", "Reco Brend Cement", "Magma Marine", "Shans", "Nayman Mel", "Voris China", "Orient Technology", "Shimbay Onimi", "Shomonay Agro Impeks", "Nukus Agro Impeks", "Taxtakopir Agro Impeks", "Aspantay Agro Impeks", "Vishe Krishi Tashkent", "Muynak tour", "Ayim-Tur", "Tazabay Grand Service", "Shumanay Eco Teкs", "Eco Teks Cluster", "Xo’jayli Eksport", "Boston Mega tekstil" ва "Boston Optimal tekstil" каби тадбиркорлик субъектлари вакиллари иштирок этди.

Семинар охирида иштирокчилар ўзларини қизиқтирган саволларга мутахассислардан аниқ ва тушунарли жавоблар олишди, бу эса уларга халқаро иқтисодий алоқалар доирасида ўз фаолиятларини самарали давом эттиришга ёрдам беради.