Joriy yilning 4 fevral kuni “O‘zbekekspertiza” AJ bosh direktori o‘rinbosari U.Sh. A’zamxo‘jayev Pokiston Islom Respublikasining O‘zbekiston Respublikasidagi elchixonasi savdo maslahatchisi Ataullah bilan muzokaralar o‘tkazdi.

Muzokara davomida “O‘zbekekspertiza” AJ faoliyati haqida batafsil ma’lumot berildi hamda mamlakatlar o‘rtasidagi xalqaro iqtisodiy aloqalarni rivojlantirish maqsadida “O‘zbekekspertiza” AJ va Pokistonning shu kabi sertifikatlashtirish organlari o‘rtasidagi o‘zaro hamkorlik imkoniyatlari muhokama qilindi.

Xususan, tomonlar tovar kelib chiqish sertifikatlari boʻyicha oʻzaro elektron maʼlumot almashish imkoniyatlariga eʼtibor qaratdilar. Muzokaralar natijasida tomonlar bu boradagi ishlarni davom ettirishga kelishib oldilar.