Sayt yangilanmoqda

Surxondaryoda tadbirkorlar bilan uchrashuv

14.06.2024

135

Surxondaryoda tadbirkorlar bilan uchrashuv

Termiz shahrida “O‘zbekekspertiza” aksiyadorlik jamiyati vakillari, Surxondaryo viloyati Savdo-sanoat palatasi hamda Surxondaryo viloyati kichik biznes subyektlari rahbarlari bilan birgalikda navbatdagi uchrashuv bo‘lib o‘tdi.

Tadbirkorlar bilan uchrashuvda “O‘zbekspertiza” aksiyadorlik jamiyati bosh direktori o‘rinbosari P.Asraev yig‘ilganlarni “Surxondaryoekspertiza” ShXJ huzurida tashkil etilgan tadbirkorlarni qo‘llab-quvvatlash bo‘yicha loyiha ofislari faoliyati bilan tanishtirdi.

Ushbu loyiha ofisi tadbirkorlik subyektlariga biznes-rejalar ishlab chiqish va tayyor biznes loyihalarni amalga oshirish, biznes yuritish va korporativ boshqaruvni joriy etishda amaliy yordam ko‘rsatish uchun mo‘ljallangan. Bundan tashqari, loyiha ofisining vazifalaridan biri tadbirkorlik faoliyatini amalga oshirish bilan bog'liq zarur ma'lumotlarni olish va amaliy masalalarni hal qilishda, tegishli vazirlik va idoralar vakillarini jalb qilgan holda “yagona darcha” tamoyili asosida tadbirkorlarning infratuzilmaga oid muammolarini tezkor hal etishda, xizmatlar ko'rsatishda (ishlab chiqarishni ko‘paytirish) va eksport qilishda ekspert, yuridik va maslahat yordamini ko'rsatishdan iborat.

Bunday yig‘ilishlar respublikamizning barcha hududlarida navbatma-navbat o‘tkazilib, mahalliy tadbirkorlarning muammo va takliflarini aniqlash, ularni hal etishga hissa qo‘shishga qaratilgan.

"O'zbekekspertiza" AJ matbuot xizmati


Ortga qaytish